"Barselona” klubi himoyachisi Karles Puyol, Ispaniya chempionati doirasida "Real”ga qarshi bo‘lib o‘tadigan o‘yinda maydonga tushishga tayyorligini ma’lum qildi.
Tajribali futbolchi jarohatidan tuzalganidan so‘ng, faqatgina bitta o‘yin o‘tkazdi.
"Osasuna”ga qarshi o‘yinda o‘zimni juda yaxshi his etdim. O‘yindan keyin esa tizzamdagi jarohat bezovta qilishi bo‘yicha bir qancha ikkilanishlar bo‘ldi, biroq barchasi ko‘ngildagidek o‘tdi. Shu sababli endi mening maydonga tushishim murabbiyning qaroriga bog‘liq”, - deydi Puyol.