"Borussiya” klubi himoyachisi Mats Xummels, "Barselona”ga o‘tishi mumkinligi haqidagi xabarlarni rad etdi.
"Hamma shu haqida gapirayapti, biroq ma’lumotlarning barchasi yolg‘on.
Mendan tashqari boshqa futbolchilar haqida ham shunday xabarlar tarqatilayapti. Tomas Myuller va Ilkay Gyundoganni ham "Barselona”ga o‘tadi deb o‘ylagan edim.
Lekin Tomas u yerga faqatgina dam olishga borgan. Ammo xabarlarda futbolchi kataloniya klubiga o‘tishi haqida aytilgan. Shundan so‘ng, Tomasning o‘zi ham faqatgina sayohat uchun Barselonaga borganligini tasdiqladi”, - deya ta’kidladi Xummels.